كيف تحمي طفلك من التحرش او الاعتداء الجنسي (2)

ما هي عواقب التحرش؟

والطفل الذي يتعرض للتحرش بمعناه المشار إليه، غالبا ما يحدث له ما يسمى Sexual Arousence أي إفاقة

جنسية مبكرة؛ وهو ما يؤدي إلى إصابته بـHyper Sexual Activity أي نشاط جنسي زائد، والطفل في هذه

السن من الناحية العلمية لا يعرف الميول الجنسية بالمقصود المعروف لدى الكبار، لكن يمكن أن يندرج هذا النشاط

الجنسي الزائد بما يتتبعه من تصرفات تحت ما يسمى بالسلوك السيئ الذي يفعله الطفل مقلدا أو مجبرا دون غريزة

حقيقية داخله؛ فتظهر لديه تصرفات جنسية، وقد يتحول لمتحرش.



ماهي الدلائل التي تعرف بها ان طفله متحرش به او معتدى عليه جنسياً؟؟

تنقسم هذي الدلائل الى قسمين

جسديه

وسلوكيه


الدلائل الجسديه للاعتداء او التحرش

1-الحكه في منطقة الرقبه و المناطق الحساسه

2-رائحه او افراز غير طبيعيين من المناطق الحساسه

3-ملابس داخليه ملطخه بالدم او ممزقه

4-الم يصاحب:استخدام دوراة المياة
الجلوس
المشي

5-وجود دم مع التبرز او التبول

6-اصابات في المنقطه الحساسه:احمرار
جروح
سحجات
الم عند اللمس


الدلائل السلوكيه للاعتداء او التحرش

1-محاكاة الافعال الجنسيه و خاصه الفمويه منها

2-معرفة الكثير عن الجنس يفوق معرفة الاطفال الذين في عمره

3-ايحاء جنسي في رسومات الطفل و كتاباته و استخدام المصطلحات الجنسيه في حديثه وحواراته

4-تصرفات جنسيه مع اطفال اخرين او مع بالغين

5-الخوف و رفض الذهاب لاحد الوالدين او الاصدقاء او الاقارب يدون سبب واضح (تغير سلوكي مفاجئ تجاه

شخص معين كان يحبه) وتجنب التواجد في نفس ومكانه او التجاوب معه

6-عدم الثقه بنفس او بـ الاخرين

7-العدوانيه المفرطه تجاه الاطفال و الحيوانات وبالخصوص تجاه شخص معين







8-التغير في شخصية الطفل بدون سبب واضح ..مثلاً يكون طفل سعيد متعود يعلب و ينطط وفجأه تلاقينه انطوائي

انعزالي عن اصدقائه و اسرته والناس الي يحبهم






9-تغيرات في نومه ..مثلا تلاحظ عليه كثرة الاحلام المزعجه ..الصراخ خلال النوم..الفزع

10-يكون الطفل اكثر عناد او اكثر طلب للاهتمام و العاطفه ..ويرغب بالاحضان اغلب الوقت او العكس يرفض

العواطف الابويه التي اعتاد عليها ويخاف من اشخاص معينين و اماكن معينه







11-من الممكن ان يرجع لتصرفات اقل من عمره ..خصوصً اذا كان في مرحلة الابتدائيه..كمص الاصبع..التبول

الاارادي ليلاً...او استخدام مصطلحات الاطفال التي كان يستخدمها عندما كان صغير..بشكل عام تكثر عنده استخدام

مصطلحات الاطفال

12-يرفض خلع ملابسه ..او يظهر اضطراب وخوف و عدم راحه عندما يخلعها ..

13-انزعاج واضح عند الشور و التحميم

14-اضطرابات في الاكل..وفي الاطفال الاكبر سناً يظهر عليهم الايذاء المتعمد للذات..جرح النفس..تعاطي الادويه

بافراط بغرض الانتحار..محاولة الانتحار ..

15-محاولة التحرش بطفل اخر

16-دلاالاات على عدوى والتهابات و فطريات

17- في الاطفال الاكبر سناً؟...نلاحظ اهمال الذات و النظافه الشخصيه و المظهر.. وتدني المستوى الدراسي ورفض

المشاركه في النشاطات المدرسيه بجميع انواعها ...واظهار نوع من التمرد على كثير من المستويات ..والهروب

من المدرسه

18-في المراهقين ..تكثر الافكار و الميول الانتحاريه ..والعدوانيه و عدم احترام الذات و الاخرين


اذا اشتبهت بان طفلك تعرض للتحرش او الاعتداء؟

ابحث في هذه الاماكن عن اصابات , رضوض, سحجات, احمرار, او الم


ماذا افعل اذا وجدت هذه الدلائل على طفلي / طفلتي؟







*تحدث الى الطفل بحنان وهدوء و حث الطفل على الكلام... لا تضربه ولا تصارخ عليه و تعاقبه....الضرب و

الصراخ ماله داعي ابد..لانه في الاساس ضحيه ..ماله يد في اللي صار..يعني فيه احد بيرضى يصير له كذا؟؟

*اذا تكلم الطفل و ذكر لك الشخص اللي اعتدى عليه؟ لا تكذبه ولا تصرخ و تعصب و تقول له انت كذاب ..هذا خالك

عيب ..ولا هذا اخوك عيب ..خلك هادي ..ناااااادر جداً مايكذب الطفل في هالامور او يتبلى احد ماله ذنب

*فهم الطفل ان ماله ذنب في اللي صار وانك مو زعلان عليه ولا راح تعاقبه "هذا يا بابا مو كويس..مره فلان

غلطان..وانت مالك دخل..وانا الى الان احبك..وانت ولدي حبيبي..وانا مو زعلانه عليك ولا راح اعاقبك لانك

ماسويت شي ..كله من هذاك...بس ولا يهمك..انا دايم دايم ابحبك واحترمك"

* لا تحاول تاخذ كل التفاصيل من الطفل اول ما يتكلم عشان ما يحس بانك تضغط عليه ..غالبا المعتدى عليهم؟ لمن

ينضغط عليهم بالكلام او بالتهديد؟...تصير لعقولهم حاله سبحان الله تسمى الاغلاق..يحبس كل ذكرياته في مكان ولا

يقدر يسترجعها الا بمساعدة طبيب نفسي..عشان كذا خل الامور هاديه واللي ماتعرفه الحين بتعرفه بعدين.

* تجنب الاستهزاء بالطفل..او نعته بالجبان او الضعيف..ولا تعلم اخوانه او خواته .او أي حد مهما كان ..مو

بالضروره يعرفون ....ماراح يساعدونه بشي..مجرد تشهير و سالفه تنعلك من فلان لفلان....و هالشي ممكن يجر

عليه الاستهزاء والشماته في المستقبل..

* اذا كان المعتدي شخص في نفس البيت؟ ابعد هذا الشخص عن البيت او ابعد الطفل عن البيت...المهم لا تترك أي

اتصال او احتكاك بين المعتدي و الطفل..خصوصً بعد ماقالك..لانه بيجي على باله انك ماقدرت تحميه من

المعتدي..و بيكبر خوفه ..وبيخيب ظنه فيك اكثر..

* افحص الطفل طبياً..لا يكون فيه امراض او الم يحتاج علاج

* رتب للطفل جلسات مع طبيب نفسي عشان يعالج عنده المشاكل اللي ما تقدر انت تعالجها ..لا تقول فضيحه و

الناس و العالم و مدري وشو...ولدك/بنتك اهم..عشان يكمل حياته بشكل طبيعي ولا تصير له مشاكل تخليه ينحرف

ولا يشذ ولا تعيق تقدم حياته و تطورها ...وغالباً الاستشارات النفسيه تشمل الام و الاب..لان وقع المصيبه عليهم

كبير..واحساسهم بالذنب اعظم..

*توفير النشاطات المختلفه و المتنوعه المناسبه لسن المعتدى عليه و الترويح عنه باكبر قدر ممكن و احاطته بالحب

و الرعايه و الاهتمام و اظهار الاحترام و التقدير له في محاوله لتشتيت ذهنه عن التحرش و صرفه عن التفكير فيه

* الانتقال من السكن ان امكن ذلك..تغيير المكان يساعد الطفل على النسيان و إكمال حياته بشكل طبيعي



لماذا لا يتكلم الطفل اول ما يتعرض لتحرش او اعتداء؟





اول الاسباب ...الخوف

•الخوف من المعتدي

•الخوف من الام و الاب وردة فعلهم كأنه هو المذنب

•الخوف من الاستهزاء به

•الخوف من الاختلاف الي صار بحياته

•الخوف من حدوث مشاكل جديده لو تكلم

•الخوف من فقد من يحبهم

ثاني الاسباب....الحزن

•الحزن على شي اخذ منه بالقوه

•الحزن على فقدان طفولته

•الحزن الخيانه من شخص كان يثق به

ثالث شي؟....تأنيب الضمير

•لانه وافق من البدايه على الاستسلام

•لانه لم يستطيع ايقاف ما حدث

•لانه حافظ على ماحدث سراً

رابع شي... الاحساس بالعار

•لانه شارك في هذا السلوك المشين

•لانه ربما لا يزال يحب من اعتدى عليه لقربه من قلبه (كالوالده مثلاً)



كيف نحمي اطفالنا من التحرش الجنسي؟؟






كثير يسألون كيف افتح الموضوع كيف ابدا..ومن وين ابدا وعلى أي اساس..و يستصعبون هالشي

ويأجلونه ..ومايدرون ان هالشي يدفع ثمنه عيالهم ...

هالجزئيه من الموضوع تنقسم الى قسمين :

القسم الاول : يتعلق بالطفل(تنبيهات و تحذيرات و تعليمات)

والقسم الثاني :اللي يتعلق بالابوين او القائمين على رعاية الطفل


القسم الاول: تنبيهات و تحذيرات و تعليمات للطفل من المتحرش او المعتدي

في البدايه اجمع كل اولادك ..خصوصاً اللي اعمارهم من 4 سنوات وفوق..10 12 13 17 20 لا تقول كبار

مايصير الكلام اصغر منهم ..هاتهم و اللبيب بالاشاره يفهم...خله يكون درس جماعي للكل ..بكره يعلمونه لعيالهم

بطريقتك

اجمعهم كلهم..و افتح معهم الموضوع بعبارات بسيطه..بسؤال بسيط..صح ام خطأ...

طبعا وجه الكلام للصغار اول و لا تخاف الكبار على طول بيفهمون وش تبي تقول

لو رحت للسوق و دخلت دورة المياه و دخل معك عامل(رجل) او كنت في المدرسه و دخل معك جوه الحمام صديقك ؟

هل هذا مقبول؟(يصلح؟ ولا مايصلح؟) ( صح كذا ولا خطأ؟؟)(عيب ولا مو عيب؟)

اذا تردد الطفل في الاجابه؟..طالع اخوانه الكبار بنظره جاوبو انتو يالله ...بتلاقيهم يقولون عيب..الاخ الصغير بيتبنى

نفس النظره لانه لقاك تشجع الكبير على اجابته الصح ..فراح يقول لك عيب..وبترسخ في ذهنه انها

عيب ..وترجع انت تكرر عليه العباره ..(مايدخل احد معنا للحمام...عيب..خطأ ..مايصلح)

ليه؟

لازم تشرح ..لازم تقول له هذا عيبك..المفروض محد يشوفه...الا امك او ابوك او الدكتور او اللي يساعدك تتحمم و

تتروش و تنظف جسمك بسسسس

عيبك هذا ما يشوفه احد ولا يلمسه احد ..لازم تأشر على عيبه بدون لمس..و تساله وين عيبك عشان تتأكد انه

فاهم أي الاماكن انت تقصدها ...

(الالفاظ و الطريقه الي انا الان استخدمها هنا للاطفال اللي اعمارهم 4 سنوات..اللي اكبر من كذا تقدر تحكي معهم بالشكل اللي تشوفه مناسب..لكن غالباً الصغار هم اللي نلاقي معهم صعوبه )

بعد ما تتاكد انه فهم وين المكان ؟ تقول له

لو احد لمسك من هنا؟ او حاول يرفع ملابسك؟ او حضنك بقوه لازم تقول" لا عيب عليك " و تصرخ و تهرب و

تقول لامك او ابوك و اذا كنت في المدرسه تقول للمعلمه ..او أي احد تثق فيه

بعد هالمقدمه؟ اللي تقدرون من خلالها تدخلون للاطفال لموضوع التحرش

خلوني اعطيكم التعليمات على شكل نقاط

تشدد على الطفل هالـ 5 نقاط






× قول بصوت عالي " لآ "..."لا تلمسني "...." عيب عليك"...."ما أحب المسك"





× أصرخ بصوت عالي لو احد لمسك من هنا ولا حاول يرفع ملابسك ..صراخه بيخوف المعتدي وبيشد انتباه الناس للطفل ..خصوصاً في الاماكن العامه






×اهرب من المكان بسرعه

× لا تسكت و تكلم و علم أي شخص كبير تثق فيه عن أي احد يتكلم معك عن عيبك ولا يقول لك ورني..واذا لحقك

احد في الشارع؟...اركض لمكان فيه ناس كثير

× اقرا المعوذات في النهار قبل تروح للمدرسه او اول ما تصحى من النوم و خصوصاً آية الكرسي...و قبل ما تنام

عشان يحفظك ربي من كل شر

هذا النقاط الخمس اللي لازم يفهمها الطفل و يفتح عيونه زين ويطبقها بكل شجاعه ..

عزز فيه .." انت شجاع"..." انت بطل".." انت تقدر تقول له عيب عليك"...

"انتي قويه".."انتي بطله...تقدرين تقولين له عيب لا تلمسني"
7
7
7
7
7
7