يانفس توبي
الشيب شفته بالمرايه وصديت
ماكنت اصدق ان ذا الشيب فيه
اثر الزمن يطوي رحاله ووليت
وراحت سنين العمر وش البقيه
من بعد ماشفت اناالشيب حنيت
حنيت لسنين توالت عليه
ذقت الحلا فيها وتهنيت
مرت علي مر الصبح والعشيه
وسنين ياكم تهت فيها وتماديت
مابين سب وظلم والا خطيه
وياكم تحملت المعاصي وجريت
جريتها ومثل جر المطية
يامرحبا يالشيب من يوم حليت
تظهر على نفسي امورا خفيه
انت النذير الى على الباب طليت
ووصلت حتي الباب وش عاد ليه
ماعادلي الي التوبه ان كان ابكيت
وسألت انا المولى ورب البريه
وقلت توبي يانفس قبل ياليت
ما عااد ينفع ليت وقت المنيه
منقول للشاعر عبدالله القرني
مماراق لي فاحببت ان انقله
اتمني ان لا اكون ثقيل عليكم
تعلمت الان ان هناك طريقان ليكون لديك اعلى مبنى
اماان تهدم المباني التي حولك
او ان تبني اعلى من غيرك
فالافضل ان تبني اعلى من غيرك